Sihna

Lungsim a suak zual..... gen zenzen le.........

Tomchik a gen in, mihing sapum a living organism te hingsaktu biological function khawlsak in om leh, si kichi mai hi. A piangkhe peuhmah adia khatvei sih seh hi a, tangtawn daih a dam den diing ki omlou hi. Mihingte i sih nungchiang a om diing didan toh kisai leuleu ah khovel a sahkho tuamtuam te gindan ana tuam chiat hi. Himahleh, hiailam gen sawm ihi kei. 

Maban a mihing kuapeuh tung a thil tung diing chiantaka kithei omsun tuh SIHNA ahi. Pumpelh theih leng ahi sam kei hi. Mahleh, sih hun diing genkhol thei kuamah a om kei zeel. Utluat ziaka sawtpi dam leng ana hi kholkei zeel. Leitung hinkhua ning kitel huai sa a, si pah ut pawl bang ana om thei leuleu ua, mahni kithat bang leng a om zeuhzeuh ta. Himahleh, hiai te lawi mi dawilok ahi zeel uhi. Sih kihtaakna pen dawilokna ahi zaw kei a, hin kihtaakna pen dawilokna ahi zaw daih hi. Khenkhat te leuleu lah kum bangtan dam diing chih theinuam in online Death Calculator, Death Meter, Death Clock, etc te ana buaipih mahmah zeel uhi. 

Nidang lai in, Khristian te lakah leng sih hun theih utna zaw ana om ahi ngei dia, Laisiangthou ah, "ka damsung kumte uh kum sawmsagih ahi a, hatna ziakin kum sawmgiat leng ahi thei hi" chih ana kigelh hi. Hiai dan a i et chiangin, tuailai hun sih hun hilou deuh in, teek leh upa hun ana hi leh, kilawm hi. Ahihhang in, "Nang seh in kum 1000 tuh zanmangta bang phet ahi ngal a, Zan ven khat sung bang phet ahi" chih Laisiangthou mah in ana gen zeel hi. Huaiziakin, sih hun diing buaipih ek pen thil haihuai pi khat ahi, achih theih...

Sih zoh chiang diing khual a hinkhua zat diing ahi diam? Ahihkeh, Dam sunga mite adia phattuam thei pen dia hinkhua zat? Hin manpha maw, Sih manpha? Koi atel huai zaw dia? Huai bel nang deihtelna ei mai ve............

@siamputhomte.blogspot.com

Phattuamngaihna leh Lusuun hun a ki-uapna

Paite lak aleng adaapzar leh Unau Lushei/Duhlian pau naih lam deuhte'n 'tlawmngaihna' achi ua, ataangpi in, ei Paite lakah 'phattuamngaihna' kichi hi. Tlawmngaihna ichih leng Paite pau mah ahi thou hi. Atomlam a gen in, panpih ngaite panpih ichih 'phattuamngaihna' ahi mai hi. LST in, "nna hoih sem diinga siam a om in, Amah khutsuak ihi ngal ua…" ana chi hi. Huaibel, panpih ngaite panpih a nna hoih sepna pen 'phattuamngaihna' ahi pah a, Khristian hinkhua tawisanna khat leng ahi hi. Taihmakna toh leng aki gamla kei.

Alehlam ah, phutluih a midangte' na va/ki sepsak, minhoih leh pahtaak deihziaka kuahiam panpihna/nasepna, muhkik diing lam-etna toh mi panpih, ichihte phattuamngaihna aki chi thei kei hi. Banah, taimataka akullou hetlou leh mite adia thil hoihlou/poi va sep/hih ichih 'phattuamngaihna' akichi thei kei hi. Phatuam ngaitak in mi van vaguk, chih bang phattuamngaihna kampau zatkhelhna khat ahi.

Khenkhatte'n phattuamngaihna aki genkhak chiangin lusuun hun a ki uap-na kia toh ana mekmat kha pahpah sek uhi. Lusuunna hun a ki uapnate tengteng leng phattuamngaihna ahih toh ki rualrual in, hiai polam a mite panpihna te leng phattuamngaihna ahi hi. YPA leh Philanthropic Organization tuamtuam akizatna apat kia 'phattuamngaihna' suah theih ahi kei hi. I pu-ipa te hunlai apat in phattuamngaihna ana om khinta hi. Tagah-meithai leh gentheite ana kankuah ua, teeksia leh hat nawnloute ana aduat uhi. 

Lusuun hun a ki uap dialdial, lusuun lenkhawm leh hantou dia kuan khawm nainai pen a nuam a, tamtakte'n phattuamngaihna hipen diing bangin i koih kha sek uhi. Lusuun huna kinaih khawm a; ki uap dialdial a; hehnepna thute gen a; late sakhawm a i om chiang un anuam a, akhamuan huai hi. Innteekte adi'n leng mite' phawkphak a om kisakna aneih theih dia, alung uh leng muang tuan mahmah di’n agintak huai hi. 

Ahi’a, khovel akhantouh dungzui in society a thil hihdante alemtang zaw diinga khek tuak tamtak ana om ta hi. Nidang, kum 15/20 vel paita in, misi a om chiangin tangval phattuamngai bangzah hiamte si inn ah va giak sek uhi. Sih lusuunna ziak a thawmhau-na thuak, innteekte’ di’n, anuam tuam mahmah diing hi. Ahihziakin, tuni chiangin hun neihdan, sep-le-bawl leh khosakdan ah kibatlouhna tamtak a om ahi ngei dia, tuni chiang in hiai chiindan tawpsan ahi ta hi. 

Hantohna toh kisai bang ah leng, tuma deuh in Central Lamka YPA te’n mi goih/lakthoh diing ahon thupuk theih khongkhong ta ua, etzual dan in phattuamngaihna om nawnlou sak theih mahmah hi. Khota zaw te adi’n bel, hi thei nai vuallou abang hi. Neekzonna/sepna leh khosakna kibatlouh ziak ahi lel kha diing. 

Khopi zaw deuh leh khota ah nektaak zondan leh innteen-louteen ah ki lamdanna tamtak a omta hi. Hindan ah leng ki batlouhna tamtak a om ta. Khopi zaw deuhte ah siamna, pilna leh laizilna a kitaitehna asaang diak hi. Sim/zil maimai a mi phak diing ahi nawn ta kei. Nekzonna leh sepna ah leng mahni hun neihdan tanlel a khotaai theih ahi nawn ta kei hi. Hun-awl hauh luat pen miphak louhna leh gentheih kipatna buk ahi ta hi. Huchi bang kal ah, siatna leng asaang hiaihiai nawn a, huntawk theihlou khamtheih-guihtheih chiinna tuailai tamtakte lak ah a uang mahmah ta. Taksa mahmah adia leng zawnkhaalna leh thildang himhim vei khak nawnlouhna diing khop a khamtheih sal a taang tamtak a om ta hi. 

Huchi bangkal ah, tulai in, tuailai tamzawte siamsinna leh sepna/nekzonna ziak in mundang ah a om ta uhi. Khosung/vengsung a tuailai zattheihte (khamtheih leh thilchiin hoihlou sal ataangloute) leng mahni a kitunsuah sawm a kisa ahi ta uhi. Banah, khamtheih sal ataang te nasan leng ni khat hihcheuh na'ng leng amau a kizon peihte hisim ta uhi. Huchi kawmkal ah, i khotaang uah Pawlpi tamkuamtak ki omta hi. Simlei leh saptuam vai ah. Tuailai zattaak hi a mite'n atheihte un kizatna athuah-athuah in nei uhi. Hichibang hun ah Neektak zonna leh khantouhna diing dal kha lo lawmlawm lou dia phatuamngaihna latsak/suah theihdan geel hun mahmah ta hi. 

Tu naichin a Central YPA te’n hantou dia mi goih diinga thupukna alak uh bang leng khantouh vai mahmah khat hi a theih in a om hi.

Hiai i gen chiang in, khenkhatte'n phattuamngaihna i khotaang in mansuah diing khop hial in ana ngai thei mawk uhi. Misi a om ni in, nupi-papi te a inn uah iki punkhawm ua, khamuanna thute gen in, Pathian late kisa khawm zeel hi. Tuailaite leh hatlaite'n hanmun ki zuan zeel hi. Nitak leenkhawmna ah leng nupi-papi leh tuailaite kipaikhawm khawm nawn in, dak 7/8 tan khawng leenkhopna hun va kizang nawn hi. I gam uah, nitak a nekzonna a om nai tadih lou ahihman in, hiai in nupi-papi leh tuailaite nekzonna a dal kha nawn kei hi. Laizil leh Siamsinte adi'n bel laisimna hun a zat diing ahi mai hi. Ahihhangin, phattuamngaihna a ngai a, tua hun va zang nuamte adi’n bel dak 8 nung in leng hun a om mahmah lai hi. 

Hantou dia mi va goih in phattuamngaihna sulang kei, achih theih mawk diing hi. I gentaak sa bang in, innmun ah leng va suklat theihluat ahi. Tulai in, mun tuamtuam a omkhia (sepna/laizilna leh thil dangdang ziakin) aki tamta hi. Huaiziakin, khualgam apat siluang delh ngai tamtak leng a omta hi. Ki it, kingai leh ki khelah ngoihngoihte ihi ua, sum-le-pai tamtak seengin mun gampipi apat in iki delhtuah kheukhou uhi. Huchih hun ah, nikhat ahihkeh dakkal bangzah hiam ngak lel diing leng ki vuisan, chih veng khenkhat ah gen diing a om hi. Khopi zaw (etsakna: Lamka) ah veng khenkhatte’n khual adeihte ngak mahle uh nitaklam dak 6 nung pawlpi (YPA) vai bei ahi sak uhi. Phattuamngaihna ichih vanglak leh ni 1 or dakkal bangzah hiam ngak lel diing haksa kei leh kilawm hi. Ahihhangin, nungak-tangval hantou/vuk te khualna ziak, chih ahi tangpi hi. Huaiziakin, hantou dia milaih/goih hileh, hiai nawngkai-na pen om nawnlou diing in aginhuai hi. 

[sutzop diing]

© siamputhomte.blogspot.com 

Waka Waka – Just do it (This time for Zogam)

~ Siampu Thomte

Football Kimawlna Khovel in angaihsaang penpen ahih kei zenzen lehleng eilawi in i ngaihsang penpen uh ahi ngeingei diing. Kum 4 hal teng a FIFA World Cup a om ziak mahmah in i thupi ngaih ua, khovel’ bildoh khat leng ahi him hi. Tukum 2010 FIFA World Cup, adiak in, azintuntu South Africa gam leh Africa gambupte’ phurdan a uang a, a ap-huai vuvuzelas ging vevu toh stadium sung lumzeen dan ahihtuak. Latin American (Columbian) lasiam Shakira leh African band minthang Freshlyground te’n asak uh “Waka Waka – This time for Africa” World Cup 2010 laapi (WC 2010 song) dia telkhiak in om hi.

FIFA World Cup 1930, Uruguay a akipat chiil in WC Song a omkei. England in 1966 a azintun lai un Lonnie Donegan’ Laa “World Cup Willie” World Cup Laa hihsak (official a puankhiak hi kei mahleh) in om a, huai nung World Cup in Laapi ana nei denta hi. Himahleh, alamdang mahmah bel, World Cup Laa dia telkhiak a omte World Cup aa di mawngmawng a phuah omlou hi. Ataangpi in, laa kumlui leh nidang a ana kithang khinsate khawng zat ana hizeel dan ahi. Tukum a WC Laa “Waka Waka” i chih bang leng 1986 in ana thangkhinta a, Cameroonian lasa (siam) pawl “Golden Sounds” kichite’n ana saksa uh ahi zeel hi.

World Cup 2010 laa diing ngaihtuah ahihlai in ‘Waka waka” leh Coca-cola te sponsored “wavin’ flag” te genkhak in om a, “Waka Waka – this time for Africa” telkhiak ahi. Waka waka laa dawngkhatna i etleh: “You're a good soldier/ Choosing your battles/ Pick yourself up/ And dust yourself off/ Get back in the saddle” chih ahi. Football toh kisai khakna nei hetlou abang hi. Khenkhatte’n, gamngaihlaa ahihkeh galhang laa, chi hi. Dik thou. English leh Africa Pau (Cameroonian) zatkhawm aa sak (phuah) Waka waka bel kihanthawnna leh kihihhat tuahna lam kawk ahi, kichi hi.

A bengvaklou lawitak aki hi ngei dia, 1986 khawng a ana thangkhinsa himahleh Shakira te pawl in World Cup 2010 kipatma’ ni-zaan a AXN channel a live performance abawl ua kipan kana zakkhak pat ahi leltak hi. Amik-amak kathei kei. “Waka waka - this time for Africa. oh, oh, Champion! Champion!” chih peuh kana hisak zialzial hi. Nalh chuh sa thouthou. Alaa kaih leh aluandan fuh kasak banah alaam ziahziah dante uh kha nopchi ana sa lo mahmah dan ka hi. Ka ngaina topmai. Internet (youtube) ah ka download a, nasep kawm khawng peuh in ka ngai hi. Athu ka thei nuam a. Google ah ka zong a, wikipedia site ah le ka mu hi. “Champion! Champion!” chih ana omkha teuhlou mai! “Waka waka, eh eh/ tsamina mina zangalewa/ this time for Africa…” ana hi deuh ngal hi. Alehna tak ngial le ana thulim lolou phiing maimah. Waka waka ichih “hih in/bawl in” (do it/just do it); Tsamina mina (Zaminamina) zangalewa (Cameroon) ichih tageet lah, “kua’n hong pai dia hong sawl ahia?” (who asked you to come?) chihna, ana kichi leltak hi. Hou kasa lo dek phiing hi. Ahi alah, a laa hiai teng kia ahi kei a, asau a, agen nop pen i theihchet leh thupi lo dan ana hi daih.

Taangpi theihdan in Africa i chih gam tuantual leh zawng, mi vomte teenna, kholum gam, chih khawng ahi. Uthuai lo didan in leng i ngaihtuah ngeikei diing uh. Industrial Revolution lai khawnga British (or Europeans) leh America te’n suak-le-sal dia ava nawnte uh ahi ua, simmawh leh nelhsiah in a om uhi. Bob Marley laa “Buffalo Soldiers” ah leng achiang. Hunsawt kuamtak akhangthu uh nasan leng a theikei uh. Khovel a imperialism/colonialism hatlai in Europe gamte’n a ukkhum uhi. Ahihziak in tuni chiangin khovaak amu ta ua, amau omlouhna gam om nawnlou bang khop hial in akithehzaak ta uhi. Gam khangtou lellel ahi ua, khovel’ ngaihsaang mahmah FIFA World Cup 2010 azintun ua, ahithei tan in phattuampih sawm uhi. WC 2010 Opening Ceremony bang leng atawndante uh leh a ngeinate uh khovel muh a lahna leh hih minthanna hun lemchang in azang uhi. Atomlam agen in, ahoih lam a kikhekna’ hun manpha khahsuah sawmlou ahi (diing) uh: Waka Waka – This time for Africa!

Hiai World Cup ngeina banga om dia, ngeina banga bei nawn diing. Ngeina dan mah a kum 4 nung chianga om nawn diing. Ahi lel. Mahleh, Africa adi’n tua banga ngaihzam theih ahi kei. A zintun nawn hun diing uh theihphak leng ahi samkei. Ahi, Simleivai ah, khosakna & nekzonna kong tuamtuam ah leh khantouhna thil dangdang ah hitaleh hunhoih bohfuh angai hi. A hun laitaka thilhih geih/bohgeih bang leng apoimoh lua. Tulai pau leh ‘chance’ lak siam ngai aka. Ikiim-ikiang a thiltungte (deihhuai hi in deihhuailou hitaleh) akipan in panmun akhoh theih a, tunung om diingdan bangtan hiam a geelkholh theih hi. South Africa-te’n World Cup a zintun uh amau phatuamna dia azat theih bang un, eilawi in leng thiltung (buaina hi in buailouhna hitaleh) te apan in banghiam inam-igam ua dia phatuam khat hihtheih di om diing ahi. Huai bang ahi dia le, en sin le hang maw....

Manipur dinmun melhcheuh ta le: tulai a Manipur a buaina tuamtuam piangte i kipahpih hetkei. Kum 20 paita a i na tawpsan uh MDC/ADC election thu leh NSCN (IM) Gen. Secy. Th. Muivah in Manipur/apianna khua a phak sawm Manipur Govt. in aphallouh ziakin Naga-te’n National Highway 2 (Manipur lifeline) te ah Economic Blockade pan uhi. Ni 60 val vingveng nung in hon nawn in om hi. Manipur ah Vanman nasatak in kal ngal. Tutung a Naga-Meitei kal buaina bangle ei ut-le-utlouh, deih leh deihlouh thu a buai leh veng diing uh ahi thahah kei diing. Naga-te’n amau teenna munteng gawmkhawm a vaihawmna khat nuai a koih diing achihlai un Meitei-te’n Manipur gam leitang neuchik leng keeksak/eukhiat theihlouh diing, chi threnthran zeel. Zomite’n bel thei sam mahle ei va kitaaklah theih chii le ahi kei zeel. Lah, a entu leh angaikhetu a va om det ringot le ahi thei tuan sam kei hi. Ki buai uh heh, chi a va awiluat leh kipahpih luat theih le ahi kei hi.

Tuabangkal ah, Naga-te’ deihlouh leh nawlkhin ADC/MDC eilawi in i na deihlo nawn zeel uhi. Ahi’a, Naga te’ di’n zaw le lunggulh pen ahi kholkei diing. Mahleh, Eilawi adi’n bel adeihhuai louh luatna le a om kholkei maithei. Tu’n MDC sehna bang leng i nei zouta ua, Chairman bang leng Zomi te mah hilai! Huan, Naga toh Meitei kal a kikaantuahna/kingiiktuahna a om lai in, Naga-te adi’n Zomi-te’ kithuahpihna poimoh lua hikei mahle uh, amaute kalh zawng a gamtat, kampau leh hih i neih diing uh adeih kei diing uh. Alehlam ah, Meiteite’n lah ei Zomite Naga-te kalhzawng in om le, chih ahon deih mahmah (diing) uh. Huaiziakin, zol leh heel a om lellel bang leng kihi khamoh lou di ahi. Zol leh heel a i om laitak uh ahi nget leh ngiat i neihtheih hun uh.

I theihchiatsa mah bangun, Manipur Govt. nuai ah Singtangmite i bit hetkei uh. Gam-le-leitang leh i dikna (right) nasan uh leng lakmang sak theih diing dinmun in patauh huai hi. Khantouhna nna sep di thu hong ginga, Lampi bawl (Guite Road tungtang ah) lel di natan ah dal theihna chiteng a dal in i om uh. Census thu hong ging alah, District boundary thubuai om sak teitei-na toh ging khawm zeel. Hiai tenglou leng thildang tamtak a om. Genseeng kei ni. Hiai teng lel akipan in leng hihtheih, bawltheih leh phuut diing bangzah hiam a om (diing).

Huaiziak in, enle ‘Waka Waka - this time for Zogam’ chi ni. Churachandpur kichi bang leng Lamka a khek zoh ngeingei dia panlak diing; I MDC uh leh MLA/Minister te uh makaih a. India constitution a om, singtang gam leh leitang, tawndan leh ngeinate kepbitna diing, leh, kivaihawmna tuam (Manipur state sung ah - phot in) Sixth Schedule bang, nidang teng saanga chitak zaw in panla le hang, suang huan sawm kibang hetlou na diing ahi. Chih taktak na toh i sual nak peuh uhleh......

Hiai ahi i gengen, waka waka - just do it!

ZC Demand to GoI: Autonomous Tribal State Under Provision 244A

The Zomi Council has demanded, to the Government of India, for “Creation of an Autonomous Tribal State in Manipur, under the provision of Art.244A of the Constitution of India’’. In a memorandum submitted to the Hon’ble Home Minister, the Zomi Council pointed out this to be the most workable solution, if not the best, to solve the present problems besetting the State in the state of Manipur.

Justifying on their demand for Creation of an Autonomous Tribal State in Manipur, under the provision of Article 244A of the Constitution of India, the Zomi Council stated that the majority community become too sensitive towards tribal issue. The majority community remains suspicious of every tribal move, even if it was with the best intention. The memorandum further stated that the tribesmen began to lost confidence in the leadership of majority community. The repeated anti-tribal policies and stand adopted on tribal issues-both overt and covert- pushed the tribal to the extend of believing that, “ It is far better to live separately in peace than to live together in a mixed set-up with the possibility of incessant discords”. 

Article 244 (A) states --

244 A. Formation of an autonomous State comprising certain tribal areas in Assam and creation of local Legislature or Council of Ministers or both therefor. 

(1) Notwithstanding anything in this Constitution, Parliament may, by law, form within the State of Assam an autonomous State comprising (whether wholly or in part) all or any of the tribal areas specified in 7[Part I] of the table appended to paragraph 20 of the Sixth Schedule and create therefor— 

(a) a body, whether elected or partly nominated and partly elected, to function as a Legislature for the autonomous State, or 

(b) a Council of Ministers, or both with such constitution, powers and functions, in each case, as may be specified in the law. 

(2) Any such law as is referred to in clause (1) may, in particular,— 

(a) specify the matters enumerated in the State List or the Concurrent List with respect to which the Legislature of the autonomous State shall have power to make laws for the whole or any part thereof, whether to the exclusion of the Legislature of the State of Assam or otherwise; 

(b) define the matters with respect to which the executive power of the autonomous State 

shall extend;

(c) provide that any tax levied by the State of Assam shall be assigned to the autonomous 

State in so far as the proceeds thereof are attributable to the autonomous State; 

(d) provide that any reference to a State in any article of this Constitution shall be construed as including a reference to the autonomous State; and 

(e) make such supplemental, incidental and consequential provisions as may be deemed necessary. 

(3) An amendment of any such law as aforesaid in so far as such amendment relates to any of the matters specified in sub-clause (a) or sub-clause (b) of clause (2) shall have no effect unless the amendment is passed in each House of Parliament by not less than two- thirds of the members present and voting. 

(4) Any such law as is referred to in this article shall not be deemed to be an amendment of this Constitution for the purposes of article 368 notwithstanding that it contains any provision which amends or has the effect of amending this Constitution. 

What is the Jan Lokpal Bill, why it's important

The Jan Lokpal Bill (Citizen's ombudsman Bill) is a draft anti-corruption bill drawn up by prominent civil society activists seeking the appointment of a Jan Lokpal, an independent body  that would investigate corruption cases, complete the investigation within a year and envisages trial in the case getting over in the next one year. 

Drafted by Justice Santosh Hegde (former Supreme Court Judge and present Lokayukta of Karnataka), Prashant Bhushan (Supreme Court Lawyer) and Arvind Kejriwal (RTI activist), the draft Bill envisages a system where a corrupt person found guilty would go to jail within two years of the complaint being made and his ill-gotten wealth being confiscated. It also seeks power to the Jan Lokpal to prosecute politicians and bureaucrats without government permission. 

Retired IPS officer Kiran Bedi and other known people like Swami Agnivesh, Sri Sri Ravi Shankar, Anna Hazare and Mallika Sarabhai are also part of the movement, called India Against Corruption. Its website describes the movement as "an expression of collective anger of people of India against corruption. We have all come together to force/request/persuade/pressurize the Government to enact the Jan Lokpal Bill. We feel that if this Bill were enacted it would create an effective deterrence against corruption."

Anna Hazare, anti-corruption crusader, began a fast-unto-death today, demanding that this bill, drafted by the civil society, be adopted. The website of the India Against Corruption movement calls the Lokpal Bill of the government an "eyewash" and has on it a critique of that government Bill. It also lists the difference between the Bills drafted by the government and civil society.

A look at the salient features of Jan Lokpal Bill:

1. An institution called LOKPAL at the centre and LOKAYUKTA in each state will be set up 

2. Like Supreme Court and Election Commission, they will be completely independent of the governments. No minister or bureaucrat will be able to influence their investigations.

3. Cases against corrupt people will not linger on for years anymore: Investigations in any case will have to be completed in one year. Trial should be completed in next one year so that the corrupt politician, officer or judge is sent to jail within two years.

4. The loss that a corrupt person caused to the government will be recovered at the time of conviction. 

5. How will it help a common citizen: If any work of any citizen is not done in prescribed time in any government office, Lokpal will impose financial penalty on guilty officers, which will be given as compensation to the complainant.

6. So, you could approach Lokpal if your ration card or passport or voter card is not being made or if police is not registering your case or any other work is not being done in prescribed time. Lokpal will have to get it done in a month's time. You could also report any case of corruption to Lokpal like ration being siphoned off, poor quality roads been constructed or panchayat funds being siphoned off. Lokpal will have to complete its investigations in a year, trial will be over in next one year and the guilty will go to jail within two years.

7. But won't the government appoint corrupt and weak people as Lokpal members? That won't be possible because its members will be selected by judges, citizens and constitutional authorities and not by politicians, through a completely transparent and participatory process. 

8. What if some officer in Lokpal becomes corrupt? The entire functioning of Lokpal/ Lokayukta will be completely transparent. Any complaint against any officer of Lokpal shall be investigated and the officer dismissed within two months.

9. What will happen to existing anti-corruption agencies? CVC, departmental vigilance and anti-corruption branch of CBI will be merged into Lokpal. Lokpal will have complete powers and machinery to independently investigate and prosecute any officer, judge or politician. 

10. It will be the duty of the Lokpal to provide protection to those who are being victimized for raising their voice against corruption.

http://indiaagainstcorruption.org

ZRO/ZC's Autonomous Tribal State: Mimal Ngaihdan

Thil himhim ahoihlam kipiak diing mah ahi dia, ahi theilou diing bangmah a om kei. Politics ah hi in tics lou ah hita leh; himahleh ihihsak sawmdan leh tua dia panlakdan ah aki nga lel diing hi. Kuhkal, chitak, geel detdet leh panmun khohsiam apoimoh hi. ZC (or ZRO) in leng tu'n Autonomous Tribal State (ATS) under section 244A of the Constitution of India demand i bawl ua, heutute'n akim-akiang di leh ahi thei didan study/research nguttak a bawl a, demand abawl uh hi diing leng ikoih hi (amau hihtheih tantan ah). Mi tuamtuam (heutu hilou, minautang) abawl leng a om kha diing ua, huaite' lakah hithei (muhtheih) dia gingta lou leng a om ngei diing uh. Bangteng hileh, i demand a i serious taktak a, chitak ihihleh, hithei lou dia ana sui pawlte point chiamteh a, huaite pelh (overcome) theih didan ngaihtuah leh panmun khoh angai diing. Hi theilou dia gingtate leng lunglel leh pessimist lo dan a koih pah diing zong hi khinlou kha diing hi. 

Constitution zil ka hi kei a, asimkha maimai khawng chuh ka hi sam di (examination point of view lel in). Huaiziak in, kenleng baihtaka muhtheih/ngahtheih didan in ka koih kholkei ngut a, central thuzoh le hang leng State Govt in hon reccomend diam, ahihkeh, Manipur Tribal tengteng leng aki tuak diam? chih khawng a om a, panmun khohsiam angai dia, maban chuh sah mahmah maithei eive.

Lawi khenkhat gendan a, review committe ahihkeh, ATS Demand committee bang bawlkhiak a, huai laka Manipur Govt toh kisai a thuthei deuh di, Central Govt toh kisai leh tribe dangte toh kikal a kihouna, diplomatic skill nei deuh di leh zilna nei (research scholar, etc) te bang leng telsak di. Zomi lak ah leng Central Govt aleng top post leen a retire ta bang leng bangzah hiam ki om ta, zilna lam a leng doctorate degree ngah thei bang ki om samta. Hiai te kai khawm thei a, amaute leh mipi ngaihdan i pool khawm theih in chuh, ATS imuh louh tawp un, anuai adeuhte kimu mahmah di eive. Ahunsawt bel thuthuam hita leh.

Ahi'a, pawlpi (organisation) sung ah ki makaihdan leh mipi toh kisai dante, tulel dinmun dan a pai a, organisational structure te lawi etthak ahih kei zeel leh bel, mipi muanna ki ngahlou thei ahi, chih ka muhdan ahi. Morality issue mahmah leng ngaih poimoh tuak kasa hi. 

Banah, Demand a hahtaka pai, haichilhpih dek zozen in, issue tuamtuam (i teenna manipur state toh kisai) omte ngaihsak a neilou zozen chi bang leng om thei diing. ATS i muhchiang a, hiai tengteng hong hoih mai diing, chi dan a pai mawk theih din ka ging kei. Chihbel, i demand mupah diing dan khawng a kikoih khak theih mawk ahi. 

Political demand kum 10 halhal hiam in i bawl zeel ua, memorandum bang leng tamkhop government a ki denglut kha ta ahihna ah, Past mistake/experience akipat zil diing tampi om ta hi ven, chi in tutung a demand chuh mu thou diingin ka koih ve, kei chuh.

Gam-le-leitang thu a HAMHAIHNA

SSPPNet ah tulai in Gam-le-leitang thu leh, Manipur Govt. in Singtanggam toh kisai ah Act tuamtuam bawl sawm in akisingsa hi. SSPPNet ah "Autonomous State under Article 244A-Is it really feasible or achievable" chih thulu ah kikupna paizeel a, tamtakte'n gam-le-leitang kepbitna toh kisai a mangbat thu agen uhi. Tua bang kal ah, thukup hiai anuai abang bawl ahi:

Na hamhaihna thute uh kana  simsim chiangin, ka theihlouh thute thei thak a navaak tuan mahmah diing kasak leh, na hon loh ua, hamhaihna kokhuk ah ka kesuk! I topic/subject bang uh leng Article 244A lamlam hi kei henla'n, "Hamhaihna Gam a Chihmawhna" ('Hamhaih kidemna' chuh hilou in) houh ahi zaw diam? Kenle hamhaihna point 6 tak (dotna le hi thou in) kon bawl di :-)

1. Hamhaihna masa pen din, MLR & LR Act kizatna khua 89 te bangbang ahi, hong gen thei i om di ua aw? Manipur ah khua (Village) 2391 om laka 89 a MLR & LR Act kizang i chi ua, i houlimna ua pat in Lamka bang le khua 89 te laka tel kha hileh kilawm in kana thei. Guite kual/Thanlon bial khuate ah chuh hiai MLR & LR Act kizang lou (nailou) ahi di maw?

2. Gam/khua neitu (hausa) kiluah tou (inheritance) i chi ua, ahihleh Singtanggam (Guite kual & etc) a mimal in gam alei te register bawl ahihnak leh neitu hihna taktak (legal ownership) nei uh hilou di hiam? Kana theih dan in, singtanggam a gam lei ahih a, register bawl ahih chiangin, "unsurveyed hill land measuring about so and so acres/hectares...." chi in ki gelh sek a, ahihleh unsurveyed land ahih ziaka neitu hihna taktak kinei tuanlou di ahi diam? Huchi ahihleh, unsurveyed land leh Surveyed land in kibatlouhna nei tuanlou di avoi maw? Huchi ahih thouthou ahihleh, PRI bang deihhuai lua hilou di? Community (land) ownership deihhuai zaw di hilou di amaw? 

3. Tua omdan (i gendan un), ut hunhun a hausa beisak theih didan bang kasa. Chihbel, hausate kianga a Govt./GoM in compensation apiak nak leh (adik diam?). Ahimhim in, Kho hausa ichih te bangziak a kho hausa hi uh ahi di? Nidang lai a galhat a gam alak zeel ziak uh ahi diam? Or, British te'n gamlai ana piak ziak ua hausa hi mai uh ahi diam? Ahihkeh, tulai in, utziak leh neih zoh ziaka kho hausa hihtheih ahi diam? Huchi kawmkal ah, Hausa bang beisak hita leh, agam/khua uh Govt. ah lut hita chi aw? Mimal in gam lianpipi hausate akipan aleite uh lah, register hoihtak a kibawl, sale deed ngen hi zawmah, value sang taktak ngen bang hi'n chin, huaite le Govt. aa hi mai di ahi diam? Amau lawi in compensation amu sam du'am? Amuh kei di uh leh bel, midang teng saanga amau lawi adia, PRI or The Manipur (Hill Areas) District Councils (Fourth Amendment) Act, 2011 & The Manipur (Village Authorities in Hill Areas) (Amendment) Act, 2011 te deihhuai hetlou di mah ei voi maw?

4. Conversion of land use toh kisai ah, Mimal in singtamgam a gam lianpipi a lei chiang ua kha 'agriculture land' chi a kigelh taangpi in ka thei a. Etsakna din (eilak ah): Heutupa D. Kamsuanthang bang in Maukot gam lianpi lei (kichi) in, huaikha lou (farm) bawlna di, huchibang mah in, Pu Lian C Tombing bang in Tonglon (P), huchi bangbok in, Enpum, Suangdoh, Aibulon, Lungchin, Lungthul, Singngat, etc bang leng Lamka leh Imphal a mihausa bangzah hiamte'n lei uh. Akhen in, lou/farm bawl uh. Summuhna dia zang thei. Hiai a gam kileite agriculture land apat in Residential land din conversion abawl thei du'am? Bawl thei le uh, khua sat a, kho hausa khat suak thei di uh hilou ahi diam? Huchia M/o Rural development nuai a fund tuamtuam te ngah thei zawmah di uh hilou maw?

5. Unau Thadou te bang in leng gam hah lei petmah un, Namdang khua (abikin Zomite khua) ah gam lianpipi lei uh. Khothak sat uh. Kho hausa (Ningthou) ki behlap zungzung mai uh. Singngat Constituency sung bang i etleh, Nidang a Thadou/Kuki tam hetlou. Paite te saanga leng tawmzaw tham uh. Tua chuh khothak tam mahmah ta. Inn tawmchik om napi voters tam petmah om uh. MLA bang nei theita mawk uh. Village grouping di bang chuh buaipih a nei kha vetlou uh (bang).....

6. Eilak ah bang ah leng, mihausate'n gam alei chiang un, eisung kia khawngah ki lei mawk lou in, namdangte lak khawnga lei in, khothak sat thei didan khawng ngaihtuah thei mai le, chih huai simsim aka (ei gam lah namdangte khut i tunsaklouh kawmkawm un). Tua issue i gengen te uh bang leng, Manipur vaihawmna innpi a hon tangkou sak diing omlou bang maimah. MLA bang tam nei zaw deuhle houh, khat bek thuzohzoh om na lou di adiam, chih sim in om. Politics i sai dek taktak chiang ua 'politics is all about numbers' chih hi zeel.... Solkal a sik-le-tang a pau di poimoh sa lah kibang, lah, ngaihsak (zou) tuan taktak lou. Gamkeek ut lua hina pi, mimal nopsakna ditan lel khawnga ki makaih (ki bang). 

End line: Huai pek apat tuni tan, akhonung pil lam ngen in i pai ua, lawite va-uk a leeng (dek)chiang ua lah Patau dak khen bongbong zeel.  I gengen/kikupkup chiang ua lah complicate gai vek zeel. Abul ah kipan thakni, chih lah om thei nawnlou. Hamhaihna tuichiim tunga Buaina Longpi a tuang in, leitak laka ki galkai thei mahmah lou! SOS message lah zak a om ngeilou. I va gengen chiang ah lah, "who will bell the cat" chih kitung suk zeel!

So, can somebody bell the cat?

But, i, me and myself cannot bell the cat!!!

from helplessness to hopelessness..................